Ndilat Idune Dhewe

                Dino iki srengenge katon panas ngetang-tang. Degan ijo ing pinggir dalan pating glender ing telak. Kringetku sak grontol-grontol tak lapi nganggo jilbab sing tak nggo. “Tuku es degan yo, crit.” Aku ngejak Cukrit, konco sak kelasku jajan es degan.

                “Jajakke yo, Ndun. Aku lagi kere ki duitku entek nggo paketan pulsa wingi sore ki.” Sauté Cukrit katon rai kang lungkrah andelane yen dheweke njaluk dijajakke. Cukrit iku kancaku SMA, jeneng asline Kenkyonari Nurida Fahmi. Aku lan Cukrit ora patio akrab jaman SMP, nanging senajan SMA iki aku sak kelas karo dheweke, aku dadi rada akrab karo dheweke.

                “Lah, Crit. Rupamu yen jaluk gratisan wi nyet kaya kucing butuh balung. Melas melas lucu pengen ngethak ngono,” sautku karo nggeret jilbabe Cukrit.

                “Hahaha. Nyet Mbak Ryuna Azilla Pertiwi sing ngawu-awu iki paling pangerten karo konco nek lagi butuh,” senggole Cukrit.

                “Yowis engko bali sekolah mampir kono sek yo. Aku engko yo lowong acaraku, cah-cah dijak sisan yo ben gayeng kaya biasane.” Ajakku karo ngentekke es krim sing lagi tak pangan saka kantin mau.

                Jam terakhir dina iki kerasa suwe banget. Srengenge kang saya dhuwur nggawe hawane katon sumuk. Aku lan kanca-kancaku sing wis janjian ameh nge-es wis cepak neng ngarep kelas. Awak dhewe mangkat mlaku amarga panggone ora adoh saka sekolahan.

                “Eh Crit, anu piye? Sidane koe maju opo mundur karo de’e?” Takonku karo nyruput degan enom sing wis di wenehi Pak Waluyo, sing dodol degan.

“Embuh lah, Ndun. Dheweke ra kethok maju ra kethok mundur. Aku yo malah bingung dhewe kudu piye karo dheweke.” Saurane Cukrit katon rai kang nglunthung.

“Walah yowislah Crit sing sabar wae. Aku yo lagi bingung iki karo Tyo, saya akeh wong wadon sing nyedhaki dheweke. Aku dadi minder aku ra ayu, ra sugih, ra seksi. Aku randue opo-opo kecuali atiku sing tulus tresno karo dheweke,”

“Alah Ndun. Positiv wae yakin nek dheweke bakalan nggo koe kok. Gusti kan ndue rencana sing luwih mulyo. Mungkin durung saiki jatahmu cedhak karo dheweke.”

“Lha ning si Gandes luwih cedhak karo Tyo, Crit. Aku pesimis isoh secedhak kui kaya Gandes. Opo jodohmu bakal double date karo Gandes Crit ora karo aku.”

“Hush ojo ngono. Amit-amit aku double date karo Gandes, ra bakalan ikhlas aku ngrelakke Tyo nggo Gandes. Dheweke uduk wadon apik-apik, maneman nek Tyo dadi karo Gandes, Ndun.” Cukrit nimpali opo sing tak omongke kanthi suara rodok nggetak.

“Yowislah aku pasrah wae karo Gusti. Nek aku rusuke dheweke kan aku ramungkin kepasang nggo Deon. Yo ra Crit? Hahaha”

“Asem lha kok tekan Deon to Ndun. De’e nggo aku tok ojo nggo koe, koe karo Tyo wae. wahahaha.”

“Yoooh Aamiin, Crit. Wes ayo bali aku meh turu kesel banget awakku telong dino ra leren. Ojo meneh atiku ki kesel banget di gerus terus eh hahaha.” Sautku kanthi mlaku mulih nyangklong tas sekolahku.

Dino-dino ing sekolah mlaku katon biasane. Tugas, ulangan, PR, remidi tetep dadi rutinitas ning sekolah. Opo bu guru wi ra kesel gawe soal koyo ngene, aku dadi murid wae kesel kon nggarap koyo ngene terus, batinku.

Nganti sawijining dino, aku krungu kabar sing gawe atiku rodok gela. Cukrit, kanca sing wis tak anggep apikan lan kenthel jebule nusuk aku saka mburi. Dheweke sing mbiyen ngomong ora bakal cedhak karo Gandes malah saiki menyang ngendi-ngendi karo Gandes.

“Alahyung tak kiro dheweke ki uwis berubah. Jebule ora bedho karo jaman SMP mbiyen, Lamis koyo iwak lele pating kruget. Hahaha”

“Lha emang pie to, Ndun?” Pitakone Imas sawijining sore.

“Yo ngono lah, Mas. Dheweke ndekmben tahu ngomong karo aku nek dheweke wegah kekancan karo Gandes. Jarene Cukrit, Gandes uduk wadon apik-apik, aku yo gur meneng pas dheweke ngomong ngono kui. Eh lha kok malah saiki ndilat idhune dhewe,” Tuturku marang Imas.

“Yowis Ndun sing sabar wae yo. Dheweke sesuk yo bakal nampa opo sing wis dilakoni dheweke saiki kok,” Jawabe Imas cobo nenangke aku sing rodok lungkrah.

Ing sekolah Cukrit wis ora cedhak-cedhak marang aku meneh. Dheweke menyang ngendi-ngendi karo Gandes wis koyo amplop kelet marang prangko. Dheweke nyobo manas-manasi aku kanthi nyebut-nyebut jenenge Tyo neng ngarepku karo Gandes. Aku mung meneng wae, mungkin dheweke durung krungu menawa sak trepe dheweke ngadoh saka aku, aku karo Tyo wis saya cedhak lan nduweni janji bakal jagani siji lan sijine.

With Smile :)

Mutiara Jasmine